Դավիթբեկյան խաղերը «Դավիթբեկյան խաղեր» հասարակական կազմակերպության կողմից իրականացվող ամենամյա մրցույթ-փառատոն են, որոնք միավորում են Հայաստանի ռազմահայրենասիրական կազմակերպություններին, ուսումնական հաստատություններին և երիտասարդական թիմերին։ Միջոցառումն առանձնանում է ռազմահայրենասիրական դաստիարակության, ֆիզիկական պատրաստվածության խթանման և մշակութային արժեքների գնահատման կարևորությամբ։

Մեր նպատակներն են՝

• Բարձրացնել հանրության հայրենասիրական ոգին,
• Խթանել երիտասարդների ֆիզիկական պատրաստվածությունը և տակտիկական հմտությունները,
• Ամրապնդել մշակութային, հոգևոր և պատմական արժեքների գնահատումը,
• Ստեղծել համագործակցության հարթակ ռազմահայրենասիրական կազմակերպությունների, ուսումնական հաստատությունների և սպորտային թիմերի միջև,
• Խթանել հետաքրքրությունը դեպի Սյունիքի պատմամշակութային ժառանգությունը։

Հետադարձ հայացք դեպի մեր հաջողությունները

• 2022թ.՝ Մեր առաջին խաղերը անցկացվեցին Կապանի Բաղաբերդ ճամբարում՝ ներգրավելով 8 թիմ։
• 2023թ.՝ Երկրորդ խաղերն արդեն անցան Կապանի Վանեք ճամբարում (այդուհետ Դավիթբեկյան խաղերի մշտական ճամբարատեղի)՝ 10 թիմերի մասնակցությամբ։
• 2024թ.՝ Միջոցառումը ընդլայնվեց՝ հյուրընկալելով 12 թիմ։

2025թ․ Դավիթբեկյան խաղեր՝ ավելի մասշտաբային և ընգրկուն

Այս տարի, մրցույթ-փառատոնը նախատեսված է երկու փուլով՝

• Առաջին փուլ՝ հուլիսի 7-13 և հուլիսի 14-20, որտեղ կմրցեն առավելագույնը 20 թիմ երկու խմբերում։
• Եզրափակիչ փուլ՝ հուլիսի 28-ից օգոստոսի 3-ը, 6 լավագույն թիմերի միջև։

Միացի՛ր մեր հաջողու��յանը

2025թ. Դավիթբեկյան խաղերը պատրաստվում են դառնալ մեր ամենամեծ ու կարևոր նախաձեռնություններից մեկը: Մրցաշարի իրականացումը կախված է մեր բոլորի համախմբված ջանքերից։

Ձեր աջակցությամբ մենք կարող ենք ապահովել բոլոր անհրաժեշտ պայմանները՝ թիմերի մասնակցությունը կազմակերպելու և խաղերը բարձր մակարդակով անցկացնելու համար։ Յուրաքանչյուր ներդրում, անկախ դրա չափից, կարևոր դեր կխաղա երիտասարդների հայրենասիրական ոգին ամրապնդելու և նրանց համար նոր հնարավորություններ ստեղծելու գործում։

Դավիթբեկյան խաղեր 2025թ․-ի բյուջեն այստեղ։

Հանուն հայրենիքի՝ Դավիթբեկաբար