Հայաստանի սահմանամերձ բնակավայրերը խիստ վտանգված են, չունեն համապատասխան պաշտպանական կառույցներ` ի դեմս ադրբեջանական անմիջական սպառնալիքի: Ադրբեջանը շարունակում է իր հակահայկական հռետորիկան եւ ակտիվ սպառազինումը՝ նոր ներխուժման սպառնալիքը դարձնելով ավելի քան իրական:

Գիտակցելով այս գոյաբանական սպառնալիքներին հակազդելու անհրաժեշտությունը՝ Աղմուկ նախաձեռնությունը համագործակցում է Սահման հասարակական կազմակերպության հետ՝ նպատակ ունենալով աջակցել Հայաստանի առավել խոցելի բնակավայրերի ամրապնդմանը: Նախաձեռնությունը ուղղված է երկու քաղաքացիական ապաստարանների կառուցմանը՝ առավել վտանգված սահմանային համայնքներում: Համայնքների անունները չեն նշվում անվտանգության նկատառումներից ելնելով:

ԻՆՉՈՒ ՄԵՆՔ ՊԵՏՔ Է ԳՈՐԾԵՆՔ ՀԻՄԱ

2023 թվականի Արցախի ցեղասպանությունից հետո Ադրբեջանի՝ Հայաստանից օկուպացրած մի շարք տարածքներում կառուցած նոր ռազմական դիրքերը հաճախ ուղիղ դեմ հանդիման են հայկական բնակելի տներին, դպրոցներին ու մանկապարտեզներին։

Գաղտնիք չէ, որ թշնամին դիտավորյալ թիրախավորում է քաղաքացիական բնակչությանը ռմբակոծությունների ժամանակ, օգտագործում է արգելված զենքեր՝ սպիտակ ֆոսֆոր, և մինչև օրս անօրինական գերության մեջ է պահում հայ պատանդներին: Այս սպառնալիքներին դեմ Հայաստանի սահմանամերձ համայնքների պաշտպանությունը կարևորագույն առաջնահերթություն է, առնվազն պաշտպանական ապաստարանների կառուցումը:

ԱՊԱՍՏԱՐԱՆՆԵՐ

Սահմանամերձ համայնքների պաշտպանություն

Սահման ՀԿ-ն Հայաստանում արտակարգ իրավիճակների պատրաստման առաջամարտիկներից է։ Կազմակերպությունը կառուցել է տասնյակ ապաստարաններ սահմանամերձ բնակավայրերում՝ ունենալով հատուկ մշակված տեխնոլոգիաներ և շինարարարական նյութեր: Արդյունքում ապաստարանները կարող են կառուցվել շատ արագ, մոտ 3 օրվա ընթացքում:

Վերջերս միջազգային ճանապարհորդական տեղեկատուները Հայաստանի սահմանամերձ տարածաշրջանները դասակարգել են որպես բարձր ռիսկային գոտիներ: Մինչդեռ այս տարածքները տուն համարող մարդիկ այլ տեղ չունեն գնալու: Նրանք պաշտպանության կարիք ունեն, հենց հիմա:

Ձեր աջակցությունը երաշխավորում է անմիջական ազդեցություն:

Առաջին ապաստարանի կառուցումը կմեկնարկի հենց որ բավականաչափ ֆինանսական միջոցներ կհավաքվեն: Միաժամանակ ֆոնդհայթայթումը կշարունակվի երկրորդի համար: Այնուհետև, տեղական իշխանությունների հետ սերտ համագործակցության արդյունքում՝ բնակիչները կտեղեկացվեն և կմարզվեն՝ ինչպես արդյունավետ օգտագործել ապաստարանները:

Մենք կոչ ենք անում յուրաքանչյուրին աջակցել երկու նոր կյանքեր փրկող ապաստարանների կառուցմանը Հայաստանի ամենաշատ վտանգված սահմանամերձ բնակավայրերում:

ՁԵՐ ԱՆՄԻՋԱԿԱՆ ԱԶԴԵՑՈՒԹՅՈՒՆԸ

Ձեր աջակցությունը պարզապես նվիրատվություն չէ, այն փրկօղակ է:

Հայաստանի սահմանամերձ քաղաքներում ապրող ընտանիքների, երեխաների ու ծերերի համար, ովքեր ամեն օր պայքարում են իրենց հողում ապրելու համար, սա անվտանգության հիմք և հույս է տալիս:

📢 Լուրեր նրանցից, ում դուք օգնում եք:

Մենք շարունակ կկիսվենք տեղում ապրող բնակիչների անանուն վկայություններով՝ ցույց տալով, թե ինչպես է ձեր աջակցությունը գործի վերածվել տեղերում:

💌 Կապ մեզ հետ:

Բաժանորդագրվեք մեր էլեկտրոնային նամակագրության նորություններին՝ աշխատանքների թարմացումներին և իրական պատմություններին հետևելու համար: Կարող եք մեզ էլեկտրոնային նամակ ուղարկել aghmoogcollective@gmail.com հասցեով և բաժանորդագրվել մեր էլեկտորնային տեղեկագրին:

🎨 Համագործակցեք մեզ հետ:

Եթե դուք նկարիչ, միջոցառման կազմակերպիչ կամ բիզնեսի սեփականատեր եք և հետաքրքրված եք հանգանակել տոմսերի վաճառքի կամ արվեստի ստեղծագործությունների վաճառքից ստացված հասույթ այս ծրագրին, խնդրում ենք գրել մեզ համագործակցության համար:

📍 Միացեք մեզ անձամբ:

Մենք կազմակերպում ենք բարեգործական միջոցառումներ Մոնրեալում՝ ֆինանսական միջոցներ հավաքագրելու և հանրային իրազեկման համար: Միջոցառման մանրամասները կտեղադրվեն այս հավաքի թարմացման բաժնում, ինչպես նաև մեր էլեկտրոնային տեղեկատուի և Ինստագրամի էջում: Եթե դուք Մոնրեալում եք, միացեք մեզ:

ԱՄՆ-ի բնակիչների համար հնարավորություն կա ուղղակի նվիրատվություն կատարել Սահման ՀԿ-ի ամերիկյան բանկային հաշվին՝ նվիրատվությունները հարկումից բացառելու համար։ Մանրամասների համար, գրեք մեզ՝ aghmoogcollective@gmail.com հասցեով:

ՈՎ ԵՆՔ ՄԵՆՔ

Աղմուկը Թիոհթա:կե/Մոնրեալում գործող հայկական արվեստային ակտիվիստական նախաձեռնություն է, որը պայքարում է հանուն արդարության և գոյատևման։ Արվեստային գործողությունների և բողոքի ակցիաների համադրությամբ՝ մենք բարձրացնում ենք հայության ձայնը ընդդեմ այն ուժերի, որոնք սպառնում են մեր գոյությանը։

Նպատակ ունենալով պաշտպանել մեր ժողովուրդին ու մեր հայրենիքը, մենք ակտիվորեն մարտահրավեր ենք նետում Կանադայի լռությանը և անգործությանը ի դեմս Ադրբեջանական ագրեսիվ ռազմական գործողությունների: Սա ոչ միայն իրավապաշտպանություն է՝ սա պայքար է կյանքի համար: