Խաղաղություն կարող ենք պահանջել ու ի վերջո հասնել խաղաղության՝ միայն ու միայն ՊԱՏՐԱՍՏՎԱ՛Ծ լինելու դեպքում։

Մեր հայրենակիցներին ֆիզիկապես ամուր, խելացի և պատրաստված դարձնելու նպատակով «ՊՈԳԱ» միավորումը կազմակերպում է անվճար ռազմամարզական դասընթացներ՝ բաց 15 տարեկանից բարձր բոլոր հայորդիների համար։

Սակայն չունենալով սեփական մեքենա՝ մենք բավականին շատ ժամանակ և միջոցներ ենք ծախսում մեր առջև դրված խնդիրը լուծելու համար, ինչպես նաև ունենում ենք մի շարք սահմանափակումներ՝ կապված արտակարգ իրավիճակներում արագ արձագանքման և բարդ լեռնային պայմաններում տեղաշարժվելու հետ:

Մեքենայի ձեռքբերումն ավելի արագ ու արդյունավետ կդարձնի «ՊՈԳԱ»-ի աշխատանքը՝

1. ֆինանսական մի շարք ծախսերի կրճատում,
2. ճամբարների և արշավների դյուրին կազմակերպում,
3. մասնագետների ու կամավորների ազատ տեղաշարժ,
4. արտակարգ իրավիճակների արագ արձագանքում,
5. ազատ տեղաշարժ՝ բարդ լեռնային պայմաններում:

Գիտակցելով նոր և օգտագործված մեքենաների գնային խիստ տարբերությունը՝ նպատակահարմար ենք համարում գնել օգտագործված «ՈՒԱԶ Պատրիոտ», որը պետք է ներկրել ՌԴ-ից:

Ինչպես նաև կազմակերպվում են ՌԱԶՄԱՐՇԱՎՆԵՐ, որոնք է՛լ ավելի են ամրապնդում գիտելիքները։

«Պետականությունը Որպես Գերագույն Արժեք» ՌՀԿ-ն ստեղծվել է 44-օրյա պատերազմից հետո՝ տարբեր մասնագիտությունների և նախասիրությունների տեր ԳԱՂԱՓԱՐԱԿԻՑ և հայրենիքի հանդեպ պատասխանատու մարդկանց միավորման շնորհիվ:

«ՊՈԳԱ» միավորումն իր գործունեության արդյունքում արդեն իսկ․

• իրականացրել է 7 եռամսյա և 3 արագացված դասընթացներ, որոնց մասնակցել են շուրջ 600 հայորդիներ,
• անցկացրել է 29 ռազմարշավ, որոնց մասնակցել են շուրջ 1200 հայորդիներ,
• կազմակերպել է ռազմաճամբարային հավաքներ շուրջ 600 մասնակիցների համար,
• մասնակցել է Դավիթբեկյան խաղերին՝ գրավելով 1-ին հորիզոնականը,
• 1-ին անգամ որպես «ՊՈԳԱ» կամավորական միավորում մասնակցել է հայրենիքի պաշտպանությանը՝ սեպտեբերի 13-ին Ջերմուկում,
• ներգրավվել է ՀՀ սահմանի ամրաշինական աշխատանքներում և պաշտպանության ամրապդման գործում։

* Մասնակցե՛ք անվճար դասընթացներին, պատրաստվե՛ք և ուժեղացե՛ք՝ գրանցվելով ԱՅՍՏԵՂ։

Նաև կարող եք աջակցել հետևյալ հաշվեհամարի միջոցով՝

220293350462000 AMD

Ակբա բանկ ԲԲԸ

Նպատակ` Հայկական Խաղաղություն