6,407,276 AMD
Հայկական ԱշխարհաՀզոր
Օգնե՛նք սահմանապահ բնակիչներին լինել պատրաստ
6,407,276
Նպատակ: 23,170,000 AMD
1
2
3
Նվիրաբերողների Ցանկ
Գաղտնիք չէ, որ Հայաստանը բախվել է անվտանգության այնպիսի խնդիրների, որոնց դեպքում ցանկացած ժամանակ յուրաքանչյուր բնակավայր կարող է ներգրավվել հավանական կոնֆլիկտային ու արտակարգ իրավիճակներում։
Մյուս կողմից՝ քաղաքացիական բնակչության և աշխարհազորային ստորաբաժանումների մակարդակով պատրաստությունը թույլ է և ոչ ժամանակակից, ինչի պատճառով քաղաքացիական բնակչության շրջանում ևս շատ կորուստներ են լինում։
Վերջին իրադարձություններն էլ ցույց տվեցին, որ քաղաքներն ու գյուղերը պատրաստ չեն հնարավոր ծայրահեղ իրադարձություններին։
Պատկերացրեք բնակավայրեր, որտեղ բնակչությունը կոնֆլիկտային և արտակարգ իրավիճակներում ապահովված է հատուկ հանդերձանքով, ունակ է կազմակերպել հուսալի պաշտպանություն, գիտի իր անելիքները և պատրաստ է իրավիճակի ցանկացած զարգացման։ Այդ իրավիճակին գալու համար մենք նախատեսում ենք Սյունիքի և Վայոց Ձորի բնակավայրերում կազմակերպել աշխարհազորային ստորաբաժանումների կազմավորման աշխատանքներ։
Այս նախագծով սահմանամերձ համայնքներում նախատեսում ենք քաղաքացիական բնակչության շրջանում ձևավորվող 100 հոգանոց տարածքային պաշտպանության ստորաբաժանման համար ձեռք բերել․
Էականորեն բարձրանալու է քաղաքացիական բնակչության շրջանում արտակարգ իրավիճակներում համակարգված ու գրագետ աշխատելու, պաշտպանվելու, ինքնակազմակերպվելու աստիճանը։
Վայոց ձորում և Սյունիքում ստեղծվելու են տարածքային պաշտպանության ստորաբաժանումներ՝ իրենց տարածքները, կարևորագույն օբյեկտները պաշտպանելու, ինչպես նաև արտակարգ իրավիճակների նախարարության, ոստիկանության և բանակի աշխատանքին աջակցելու համար։
Մենք արդեն իսկ սկսել ենք աշխատանքները համայնքների բնակիչների, պատասխանատու մարմինների ու մատակարարների հետ։
ՈՄԱ-ն իրականացնում և իրականացնելու է ընդհանուր հմտությունների բարելավմանն ուղղված մարզումներ։ Շարունակելու է կազմակերպել դասընթացներ՝ ուղղված հատուկ գիտելիքներ տրամադրելուն, ինչպիսիք են՝ մարզական պատրաստությունը, տեխնիկական գիտելիքների և հմտությունների բարձրացումը, առաջին բուժօգնությունը։
Այս կարևորագույն գործն արդյունավետ դարձնելու համար մեզ անհրաժեշտ են ֆինանսական միջոցներ։
«Ողջ մնալու արվեստ ՈՄԱ»-ն ռազմահայրենասիրական հասարակական կազմակերպություն է, որը 2016 թվականից ուսումնամարզական դասընթացներ է անցկացնում Երևանում և ՀՀ մարզերում։
Կազմակերպությունը ղեկավարում է Հայաստանի առաջին հետախուզադիվերսիոն խմբի հիմնադիր Վովա Վարտանովը։
ՈՄԱ-ն առաջարկում է բարձրացնել Հայաստանի պաշտպանական ներուժը՝ քաղաքների և գյուղերի բնակչությանը պատրաստելու և տարածքային պաշտպանության ստորաբաժանումներ ստեղծելու հաշվին։
6,407,276 AMD
Հայկական ԱշխարհաՀզոր
Օգնե՛նք սահմանապահ բնակիչներին լինել պատրաստ
6,407,276
Նպատակ: 23,170,000 AMD
1
2
3
Նվիրաբերողների Ցանկ