Նախաբան խնդրի մասին

Ռազմակրթական, քաղպաշտպանության ու անվտանգային ոլորտի հանդեպ հասարակության կողմից ուշադրության մեծ պակասն է, որ հանգեցնում է մի շարք խնդիրների՝ ինչպե՞ս վարվել արտակարգ իրավիճակներում (պատերազմներ, երկրաշարժեր, մեծ վթարներ և այլն նաև լոկալ խնդիրներ՝ գոյատևել, տեղորոշվել և այլն): Շատերս ծանոթ ենք, թե ինչպես են մեր թշնամիները ազդում հայ ազգի բարոյահոգեբանական մակարդակը ցածր և պառակտված պահելու համար։

Դա է պատճառը, որ պետք է բարձրացնել բնակչության հետաքրքրվածությունը, մասնակցայնությունն ու ներգրավվածությունը կրթության այս ուղղության մեջ։

Ո՞վ ենք մենք և ինչո՞վ ենք զբաղվում։

«Զորական» ՌԱՀԿ-ն զբաղվում է ռազմարշավներով, որին կարող են մասնակցել 14 տարեկանից սկսած բոլոր անձինք։

Թիմը փորձառու մասնագետների միջոցով իրականացնում է դասընթացներ հետևյալ թեմաների վերաբերյալ՝

• Առաջին օգնություն

• Գոյատևման հմտություններ

• Լեռնագնացություն/ալպինիզմ

• Ինքնապաշտպանություն

• Տեղագրություն

• Անօդաչու թռչող սարքերի ծանոթացում

• Տեղեկատվական-հոգեբանական (հիբրիդային պատերազմի) պատերազմ։

Իրականացրել ենք բազմաթիվ արշավներ, ինչպես նաև 1 ռազմաճամբար, որի ընթացքում մասնակիցները ձեռք են բերել մի շարք պրակտիկ գիտելիքներ, ինչպիսիք են.

• Տեղանքում կողմնորոշվել

• Սնունդ և ջուր հայթայթել

• Կրակային պատրաստություն

• Ալպինիզմ

• Մարտավարություն

• Անօդաչուներ վարել

• Անվնաս անցնել թակարդները և վնասազերծել դրանք։

Ո՞րն է մեր նպատակը

Հաշվի առնելով, որ Հայաստանը լեռնային և պատերազմային երկիր է՝ «Զորական» ՌԱՀԿ-ի նպատակն է հասարակությանը զինել ռազմական գիտելիքներով և ծանոթանացնել գոյատևման հմտություններին՝ անտառային և լեռնային պայմաններում։

Ո՞րն է լինելու շարունակաբար իրականացվող ճամբարների/մրցույթների նպատակը։

• Առաջնային նպատակն է ճամբարների միջոցով մասնակիցներից ընտրել

ակտիվ և էներգիայով լի երիտասարդներ և, նրանց նախասիրություններից ելնելով, ստանալ՝ հրահանգիչներ, որոնք իրենց փորձը և գիտելիքը կօգտագործեն կոլեկտիվ շահի՝ նորանոր երիտասարդների մարզելու համար։

• Մեկ տարում իրականացնել 3-4 ճամբար (մասնակիցների քանակը՝ 30-35)

2-3 մրցույթ (5-6 թիմ, անդամներ՝ 5-6 հոգի) և բազմօրյա վրանային արշավներ։

• Մեկ տարվա ճամբարների արդյունքում ունենալ 120-140 մարզված մարդիկ, իսկ մրցույթների արդյունքում ունենալ 60-70 մարզված մարդիկ։

• Թիմի գլխավոր նպատակն է այս ամենը իրականացնել ողջ Լոռվա մարզում՝ չկենտրոնանալով մեկ համայնքի վրա։

• Թիմի գործունեության միջոցով տարածել համապարփակ անվտանգության գաղափարը, որը ժամանակի ընթացքում կփորձենք դարձնել մշակույթ։

Ի՞նչ նպատակի է ծառայելու ճամբարային գույքը։

«Զորական» ՌԱՀԿ-ի թիմը Լոռվա ողջ մարզում ցանկանում է կազմակերպել ռազմարշավային ակտիվություններ, որոնց ընթացքում փորձառու մասնագետների կողմից կդասավանդվեն նշված թեմաները՝

• Քաղաքացիական պաշտպանություն/գոյատևում

• Առաջին օգնություն

• Լեռնագնացություն/ալպինիզմ

• Կրակային պատրաստություն

• Ինքնապաշտպանություն

• Տեղագրություն

• Անօդաչու թռչող սարքերի վարում

• Հիբրիդային պատերազմներ (տեղեկատվական հոգեբանական պատերազմներ)։

Այս ամենի համար «Զորական» ՌԱՀԿ-ն ունի ճամբարային գույքի կարիք։

Նախատեսում է մեկ անգամ գնելով սկսել նախագիծը։