Դավիթբեկյան խաղերը համանուն հասարակական կազմակերպության կողմից կազմակերպվող Մրցույթ-փառատոն է, որը համախմբում է Հայաստանի ռազմահայրենասիրական կազմակերպություններին և այն ուսումնական հաստատություններին, որոնք արժևորում են ռազմահայրենասիրական դաստիարակությունը։

Ստեղծելով Դավիթբեկյան խաղեր մրցույթ փառատոնի նախագիծը մենք մեր առաջ դրել ենք մի քանի նպատակ՝

• Խաղերը առաջին հերթին ոգևորում են երիտասարդներին, պատրաստվել որպես հայրենիքի պաշտպան։
• Խաղերը հրաշալի հնարավորություն են տարբեր թիմերի համար, որպեսզի նրանք համագործակցեն, կիսվեն փորձով և ընկերանան։
• Խաղերը հայրենաճանաչության հրաշալի հնարավորություն են Հայաստանի տարբեր թիմերից եկած մասնակիցների համար։

Առաջին խաղերը կայացել են 2022թ․-ի ամռանը՝ Կապան համայնքի Բաղաբերդ ճամբարում։ Բոլոր մասնակիցների և գործընկերների ոգևորությունը հաստատել է մեր այն համոզմունքը, որ խաղերը պետք է լինեն ամենամյա։

2022թ․-ին խաղերին մասնակցել են 8 թիմեր՝ ՈՄԱ Կապան, ՈՄԱ Վանաձոր,ՈՄԱ Գորիս,ԶԱՐԿ Չղջիկ, ԶԱՐԿ Հովազ, ԶԱՐԿ ԴՈԿ, ՊՈԳԱ, Մխիթար Սեբաստացի կրթահամալիր։

Դավիթբեկյան խաղերը ի սկզբանե ստեղծվել են այն գաղափարով, որ հայրենիքի պաշտպանները պետք է լինեն բազմակողմանի զարգացած և այդ տրամաբանությամբ մրցույթները ունեն տարբեր ուղղվածություններ՝ ուժային և տակտիկական պատրաստվածություն, մշակութային և հոգևոր կյանքի իմացություն, ինտելեկտուալ և ռազմավարական մտածելակերպ։

Ի սկզբանե մեզ բախտ է վիճակվել համագործակցել վստահելի գործընկերների հետ, որոնցից հատուկ ցանկանում ենք նշել Ամրոց ազգային զարգացման հիմնադրամը ,որն իր վրա էր վերցրել Դավիթբեկյան խաղեր 2022թ․-ի կազմակերպման ֆինանսավորումը և և Կապանի համայնքապետարանին, որն անվճար տրամադրել էր իր ենթակայության տակ գտնվող սպորտային և մշակութային ենթակառուցվածքները։

2023թ․-ի Դավթբեկյան խաղեր Մրցույթ-Փառատոնը պլանավորվում է անցկացնել հուլիսի 24-30ը՝ Կապան համայնքի Աճանան ճամբարում, որտեղ մեր գործընկերները այժմ ստեղծում են անհրաժեշտ ճամբարային ենթակառուցվածքները։

Արդեն ընտրվել են այն 8 մրցույթները, որոնք լինելու են Մրցույթ- Փառատոնի ընթացքում:

Դրանք են՝

• Արգելքների գոտու հաղթահարում՝ ֆիզիկական պատրաստվածությունը ստուգելու համար։
• Արգելքների գոտու հաղթահարում՝ տակտիկական և հրաձգային հմտությունները ստուգելու համար։
• Երթարշավ, որի ընթացքում կստուգվեն մասնակիցների գոյատևման հմտությունները և գիտելիքները։
• Դրոն սիմուլյատորի կառավարում։
• Շախմատ
• Ազգային Պար
• Հայրենաճանաչության Վիկտորինա
• Պատմության հոգևոր ընկալման վիկտորինա։

Մեծ ուրախությամբ ուզում ենք նշել, որ այս տարի «Ամրոց» ազգային զարգացման հիմնադրամը ոչ միայն ֆինանսավորելու է ծախսերի կեսը, այլ նաև հանդիսանում է խաղերի համակազմակերպիչ։

Հիմնադրամի հետ մենք եկանք այն որոշման, որ Մրցույթ Փառատոնի կազմակերպման ծախսերի երկրորդ կեսը պետք է ֆինանսավորվի գործընկերների լայն ընդգրկմամբ։ Դրանով խաղերը կդառնան ավելի ժողովրդական, ավելի ինստիտուցիոնալ և կայուն։

Մասնակցե՛ք Մրցույթ-Փառատոնի կայացմանը, դարձե՛ք համաֆինանսավորող։

Խաղերի բյուջեն՝ այստեղ