Մեզ պետք է գործել արագ․ ժամանակ չկա՛։



Հայաստանը գտնվում է անվտանգային մեծ մարտահրավերների առաջ և այդ հարցում նրա հակառակորդները աշխարհաքաղաքական ուժային կենտրոններն են։ Այդ ամենին դիմագրավելու համար պետք է ժամ առաջ կայացնել ազգ-պետություն-բանակ հայեցակարգը, որի տարրերից մեկը ռազմամարզական կրթությունն է։

Մեր մասին՝ կարճ

ՈՄԱ Վանաձորը Լոռու մարզում գործող գործուն կառույց է, որը ընդամենը 1 տարեկան է, բայց հասցրել է անվճար մարզել մոտ 250 հոգու՝ սկսած նախազորակոչային տարիքի, վերջացրած պահեստազորային տարիքի մասնակիցներով։ Հիմնական առարկաներն են՝ մարտավարություն, կրակային պատրաստություն, առաջին օգնություն, ալպինիզմ, ռազմական քարտեզագրություն, գոյատևում, մեդիագրագիտություն, աշխարհագրություն, ցատկերթեր և այլն։

ՈՄԱ-Վանաձորը սահմանել է խնդիրներ։

1․ Ունենալ մարզի մասշտաբով ու տարածքային սկզբունքով գործող տարածքային պաշտպանության գործուն աշխարհազորային միավոր։

2․ Ապահովել բնակչության մաքսիմալ ներգրավում ու մարտունակություն, տարբեր սպառնալիքներին դիմագրավելու ունակություն։

Այս ճանապարհին ունենք չլուծված խոչընդոտ՝ չլուծված հարց։

Այն է՝

- ապահովել նվազագույն կոմունալ ծախսերը՝ էլեկտրական էներգիա, ինտերնետ,

- շենքի պահպանման ծախսերը՝ պահակների աշխատավարձ,

- աշխատավարձային ֆոնդ՝ հրահանգիչների աշխատավարձ, քարտուղարի աշխատավարձ,

- դասերի ընթացքում ծախսվող նյութերի՝ փամփուշտներ, տրանսպորտային ծախսեր, մաշվող, կոտրվող նյութատեխնիկական միջոցների փոխարինում նորերով

- գրասենյակային ծախսեր։

Այս ամենը մեզ թույլ կտա կենտրոնանալ հիմնական ուղղությունների վրա, ապահովել կանոնակարգված աշխատանք, կազմել նոր ծրագրեր, չդեմոտիվացվել, չշեղվել։

Գործելու ժամանակն է․ ժամ առաջ միավորենք ջանքերը ամենակարևորի շուրջ։